討論區

歡迎, 客人
用戶名: 密碼: 記住我

主題: 髮型師自己做死呢個行業

髮型師自己做死呢個行業 4 years 3 months ago #14141

  • nobody
  • nobody's Avatar
  • 離線
  • 新會員
  • 帖子: 7
  • Karma: 1
識朋友做呢行,以為都係偏見啫,點知睇睇下髮型,入咗嚟討論區,越睇越睇唔過眼,發覺啲髮型師/老闆一邊呻難請人無新人,一邊恰新人剝削新人,最慘係班新人連自己權益都唔知。
入得呢行十個有九個都唔會讀書多,都係想學門手藝搵食,最唔明係班所謂嘅老闆/師傅,自己做過新人都咁人渣。
其實心理好簡單,幾多個髮型屋老闆做到上市?佢哋都係搵得幾多搵幾多,老咗就將間鋪頂手收山,所以請人最緊要用最低成本,話請JUNIOR根本唔係好似以前咁請「學師」,而係請廉價勞工,挽下手請個懵閉閉乜都唔識,最低工資都慳番,新人做唔掂就炒,做得掂咪日日洗頭囉,細鋪隨時無tips,無得拆,有啲師傅賤啲chemical自己做晒,tips自己袋番,佢哋又無責任教新人,又驚新人學完嘢起飛腳自立門戶,呢種心態咪做死自己呢行囉!
其實呢班人渣嚟嚟去去幾招,新人唔想俾人恰,記住以下幾點:
1. 一定要打咭或者記錄住返工放工時間,計人工好緊要。
2. 勞工法例418,只要你連續受僱4個星期,每星期做夠18個鐘,就受僱傭條例保障,你可以享有休息日、有薪年假(做滿一年最少有7日有薪假期)、法定假期(做滿3個月就有薪)等等。
3. 離職後7日內要俾埋尾糧你,尾糧要包括你未收嘅薪金、未放嘅有薪假期補償、未放嘅法定假期補償。俾人炒嘅,做滿2-3個月,佢要賠7日糧俾你;如果做滿3個月以上,佢要賠一個月糧俾你。
4. 知道好多junior底薪都好奀,但幾少都唔緊要,總之你收糧嘅時候如果連最低工資都無,你有權要公司按最低工資出番糧俾你,即係,假設你底薪係$3,000,呢個月返工咗24日,每日工作10小時(唔計食飯),chemical另拆,就算呢個月無chemical,按現時最低工資每個鐘$30,你最少人工係$30x10小時x24日=$7,200,如果月尾收糧時少過呢個數,你可以追討,公司唔俾,就可以去勞工處告佢,如果有ot可以追埋,仲有MPF。
以上只係好基本嘅嘢,仲有好多法例保障,有唔明就打去勞工處問,熱線:1823或 2717 1771,如果連自己嘅權益都唔知,咁你就比酒樓洗碗阿姐、地盤雜工阿叔更無知,都唔知話唔話你deserve俾人恰好?
講到尾,自己都係做呢行,做得老闆或者師傅,拎啲良心出嚟積下福啦!
最後編輯: 4 years 3 months ago 由 nobody.
該主題已被封鎖

回覆:髮型師自己做死呢個行業 4 years 3 months ago #14148

  • tickyoscar
  • tickyoscar's Avatar
  • 離線
  • 一星會員
  • 帖子: 35
  • 謝謝你接受: 2
  • Karma: 0
你呢D勞工法例我都知...但呢一行係有D老細就係咁仆街架喇..因為以前呢行真係咩幅利都無..只有多勞多得..係近呢幾年有人張勞工法例既嘢放入呢一行..宜加你問D老細公司有咩幅利.一係就姐D易唔比..你問佢咩佢就話無..我地就只有簡做定唔做..做既就要忍受呢一行既仆街嘢..唔做呢行既就無問題發生喇...我都有同D朋友吹水..未入行既就千期唔好入..入左行既就睇下有無辨法可以轉第二行..難聽D講..渣的士都仲好過呢行喇..B)
該主題已被封鎖
以下用戶說謝謝: 已轉行的髮型b

回覆:髮型師自己做死呢個行業 4 years 3 months ago #14165

  • nobody
  • nobody's Avatar
  • 離線
  • 新會員
  • 帖子: 7
  • Karma: 1
阿哥誤會喇,做得老闆或有咁上下經驗如你,邊個恰到你?係啲細路咩都唔知,好易俾人恰.
該主題已被封鎖

回覆:髮型師自己做死呢個行業 4 years 2 months ago #14565

  • Fair0676
  • Fair0676's Avatar
  • 離線
  • 新會員
  • 帖子: 4
  • Karma: 0
係d老細請親人都話呢行係咁,又話你地依家算好,以前又點依家又點,佢地又有好多都唔洗寫任何表格,又現金出糧,我當你去投訴,又有咩證明你係度做過?到時米又係自己時間,幾有心學都好任d師傅唔會教你,你識洗頭,又話唔夠好,玩下手洗頭洗足一年先教你其他野,好老實你請外勞都唔做喇,冇乜客個個月做洗頭個d飯都唔洗食喇
該主題已被封鎖