討論區

歡迎, 客人
用戶名: 密碼: 記住我

主題: 過來人真心唔希望再有人入行,前途黑暗啊

過來人真心唔希望再有人入行,前途黑暗啊 1 year 3 months ago #20660

先講junior :
1.人工過低,所謂底薪低到接受唔到 3-5k, 好聽d話拆帳,6-10蚊洗個頭,2-30蚊電個髮之類,
不過你當唔使時間跟? 跟個負離都2-4個鐘起碼,洗個color都要3,4個字,試問可以拆幾多?

而且都唔只1個jun的話,1日洗10個頭都唔知有無,再者唔少係拆超過底薪先再計落人工到。
1個月比你搵6000好未,而家點生活到呀。

2.工時超長,臨收工入個負離子客,13-14個鐘一日! 付出跟收入唔成正比。
ot無水補,車錢條數都幾禁計,再者如果肯一日番13-14個鐘,踩份sales肯定好搵好多。

3.絕大部份請jun都比唔起最低工資,如果唔係而家d salon點解局住請d兼職大媽洗電染,
行業價值越做越低,同技工無分別。

4.下欄野包括洗廁所,幫師傅/客買野食野飲, 洗頭洗耐d幫師傅拖時間做其他野,唔岩心水小到你飛天小事而已。

5.師傅技術,資格參差不齊,個個都話自己好勁,但實際上教野多數叫你自己睇,實情佢地都唔識講番個理論你知,
學幾多,識幾多,全靠你自己,所以同日本,英國有專門學校既水平差天共地。

以上只不過是一d情況..
到你升師傅先係惡夢既開始..

師傅

1.行內基本沒底薪,同你做保險即自僱人士無分別, 同樣沒福利,
即手停口停,有某d連勞保都唔買,出意外自付啦。
有d包薪7-8000蚊 3個月,過左3個月無咩客番就食蕉蕉,
老老實實,新升師傅又會有幾熟手,識幾多野,會唔會好多客先。

2.普遍公價拆3,4成,聽落係唔錯, 重點係您收得起幾錢?
屋村價r師傅頂多120-160蚊,先扣洗頭錢,再扣成本錢,或者咩垃圾費之類,實收40蚊到啦,
好既老闆比晒walk in你做又如何? 而家咁多salon,都分薄晒。

3.平均3年或以上師傅齡既搵大概7000-1萬頭啦,好多架啦, 唔少搵得少過permer!
但上師傅又要2,3年喎,不如去揸的士,跟車,做地盤,樓面果d,包餐飯都好丫。

4.見師傅預左比人問有無客底,無就多數byebye,唔似jun你肯收超絕低人工的話即請。

以下自問自答~~

e!咁我可以越做收越貴喎?
唔好傻啦,呢行幾多老行專,點解個價做極都做唔起?

咪係香港人一般睇唔起做髮型界既人囉,入唔到專業,讀唔成書先入行,
無正規/好系統咁去教新人,好似睇成龍學功夫咁,得到d咩?
基礎知識近乎零,吹水就叻,有新野出又係班所謂師傅自己研究,例如第一代負離子,或新髮型等。
連自己都一知半解,會叻得去邊...除左得把口...
人地點會專重你? 唔專重你點會肯比貴價!

日本,外國,產個立體圖出黎,構圖靚到成幅畫咁 (大家可以上youtube睇下)
香港呢? 產個閃電紋,多條坑仔就好似識飛咁, 唔知幾多連bob頭都未剪到, one length都剪唔直,
set頭唔講啦, 大部份salon都唔識..

再者你個樣老d,就只會越來越無客,開鋪? 交得起貴租再講

小弟讀書唔成,16歲入行做到27歲,已轉行半供讀讀書再轉行,而家先見到世界原來咁大,
真心鐘意髮型,不過以大陸,台灣,香港咁既狀況,完全唔希望有人入行..
供過於求,重有而家越來越少人搞chem,多數diy,
周街極速剪髮店其實真係有原因...
管理員已禁用公共寫入權限。

過來人真心唔希望再有人入行,前途黑暗啊 1 year 3 months ago #20661

  • MarkWong
  • MarkWong's Avatar
  • 離線
  • 新會員
  • 帖子: 6
  • Karma: 0
其實都有同感,請問師兄轉左行做緊乜?比細佬參考下。
管理員已禁用公共寫入權限。

過來人真心唔希望再有人入行,前途黑暗啊 1 year 3 months ago #20664

  • H.B_com
  • H.B_com's Avatar
  • 離線
  • 新會員
  • 帖子: 17
  • 謝謝你接受: 1
  • Karma: -43
你好 .

我身為 Junior , 我發表一下 .

我自己一個月人工超過 $8500 或以上 , 加上髮型行業做 Junior 一定好辛苦 和 人工低小小 ... 先小人入行 .
(做 Junior 一定要 有興趣、堅持、用心去做 一定會成功 .)

如果做到師傅級一定可以搵到 $9000 至 $65000 (視乎客量多定少 / 收費多定少 / 技術 / 名氣 而定)
(做師傅 一定要 堅持、用心去做 一定會成功 .)

我希望你不要淺踏髮型行業 .

我一向好尊重任何一個行業 .
最後編輯: 1 year 3 months ago 由 H.B_com.
管理員已禁用公共寫入權限。
以下用戶說謝謝: mansonkuhk

過來人真心唔希望再有人入行,前途黑暗啊 1 year 3 months ago #20667

  • 路中甲乙
  • 路中甲乙's Avatar
  • 離線
  • 新會員
  • 帖子: 11
  • 謝謝你接受: 1
  • Karma: 0
跟本髮型屋做既野就同收入唔成比例....工時又長...
升老大岩跑人工重要低過PERMA....又要唔知守幾年..真係直接轉行好過
我求奇搵份地盤做都600~700 1日啦...升到中工大工無千零都800 1日
管理員已禁用公共寫入權限。
以下用戶說謝謝: 已轉行的髮型b

過來人真心唔希望再有人入行,前途黑暗啊 1 year 3 months ago #20668

樓上2位好

其實我無想淺踏髮型行業 ,只係呢10年黎見太多風浪,有感呢行風氣,有感而發姐。

@H.B_com
如果你遇到1間真心教人,而人工可以應付未來生活既salon, 我先恭喜你,
不過我想講少人入行原因實在太多,主要係行內福利未能夠達到正常其他職業水平!

或者hb兄重好後生, 有興趣有信心係好事,我當年都係咁,全世界反對,
重有客叫自己唔好做,快d轉行, 我都一笑置之,的確有d野係要經歷過先會明,

經歷過巨量劈場推到全港salon林價,沙士,金融風暴,
由9龍城做到去中環,基本低中高層次客都見均晒,
我見到搵得多既師傅100個得幾個而已...

如果價錢可以任意推番高, 而家大家都唔使咁愁,市場由客人定位,
不然而家唔會多咁多極速剪髮店..
個人估計未來會更加難做

10年內見好多師傅轉行, 有去做m記,惠康,跟車,裝修,保險,sales,教遊水,整冷氣..
jun就更多啦,平均幾個月就換大大批。

hb兄應該未做過劈場,未試過遲到幾分鐘比人扣1000蚊勤工果d黑店 xd
管理員已禁用公共寫入權限。

過來人真心唔希望再有人入行,前途黑暗啊 1 year 3 months ago #20669

  • 路中甲乙
  • 路中甲乙's Avatar
  • 離線
  • 新會員
  • 帖子: 11
  • 謝謝你接受: 1
  • Karma: 0
JUN 8500以上.....比你搵夠一皮都唔夠啦...
除非你唔使交租 食屋企 住屋企 唔使儲錢
管理員已禁用公共寫入權限。