致 髮型師~~
歲月神偷入面吳君如話”做人，總要信”．身為一個髮型師，應該很明白當初為何選擇了髮型這一條路， 有些人會覺得自己讀書不多，沒有選擇，有些人會覺得做髮型師很有型，有些人會覺得不用擔不用抬便算了 .........
每個人都有自己的原因，但當成為髮型師後便忘記了自己最少學了３－４年師之後還要靠種種際遇， 洗頭洗到手都爛，拚命搵ｍｏｄｅｌ練習，將自己一步一步學到的技術變成現在的謀生技能，還記得原來洗頭可以一點水花都沒有嗎？按摩原來都有好大學問，疏順一個頭更加是一個挑戰！
還記得做ｊｕｎｉｏｒ時你們用了多少時間才能把色板的顏色背熟？拚了命才得到灰色或粉紅色的調較方法？ 一個朋友可以將他的頭髮給你當做畫紙來發揮你腦裹的無限創意？還記得學極都唔明捲到手都抽筋的ｂａｓｉｃ ｐｅｒｍ？ 落藥水怕會遺漏的ｓｐｒｉａｌ ｐｅｒｍ？比美幾何建築的ｂｒｅａｋ ｐｅｒｍ？怕被水沖掉而不懂得捲回的 ｐｉｎ ｃｕｒｌ？可以代替熱捲的數碼及陶瓷曲髮令到ｊｕｎｉｏｒ們都忘了原來電髮是需要拉力的！
忘記了負離子直髮那種驚為天人的效果嗎？忘記了ｓｔａｎｄ ｂｙ到腳痛，ｈｏｌｄ 頭ｈｏｌｄ到手痛， 被師傅鬧的心痛？吹直頭髮原來都不是想像中容易，吹ｕｎｄｅｒ原來發覺一個ｃ字係好難吹得好，吹ｓｅｔ ｒｏｌｌｅｒ 簡直覺得自己快可比美ｋｉｍ ｒｏｂｉｎｓｏｎ了！
到了剪ｏｎｅ ｌｅｎｇｔｈ原來發覺自己對直線並不是太了解，ｂｏｂ頭原來唔係”ｃｕｐ”個碗上頭就剪喇！ ｂａｓｉｃ ｌａｙｅｒ原來一ｄ都唔ｂａｓｉｃ，因為當中需要了解圓形，方形同三角形！ ｌｏｎｇ ｌａｙｅｒ原來不是千篇一律而是千變萬化，剷青剷得太青原來會令到你朋友留下陰影！
跟師傅ｏｕｔ ｊｏｂ時發覺原來比髮型師還要優皮的叫攝影師，到紅館做ｓｈｏｗ時要當明星就像常人一樣 .............
付出了這麼多，你們要忘記辛辛苦苦才得到的地位嗎？難道髮型師們都沒有從客人身上的滿意笑容而得到安慰？ 沒有因為有人欣賞而繼續努力？髮型師真的那麼失敗不受尊敬嗎？ 時代變，人在變，時不與我但不代表沒有機會，要記住失敗的人不少但成功的例子每天都會發生，如果唔係點解仲有人肯付出幾千蚊剪頭髮？幾百都唔少！如果一個人沒想過成功，就只會讓失敗在你身上揮之不去！
今天就回顧一下自己的努力啦！只要做得客人滿意，自己都會開心，就算金錢上未必可立刻滿足你，但人開心做事就會 順順利利！
成功就是一步一步得來的！髮型界已經有太多負能量，希望可以改變啦！
最後想講句真心話 ” 髮型師，千帺唔好怕輸，因為本來我地都係由一無所有開始”
o向網上見到，全陪都係COPY落黎，想同大家分享o下。今晚先同朋友講起呢個問題，希望大家共勉之！能做到髮型師雖不是什麼大人物大件事，但為了得到這職能，當中的付出卻是肯定的，但當去到那個位置後，又忘記自己的當日努力，當日那熱誠、對這工作的應有態度，於此行業工作了多年，看見很多小男孩小女孩成長做髮型師，有毅力的當然看見前景或有所小成，但亦看見很多慢慢步向夕陽髮型師的後塵。
或許今天閣下還覺得自己年輕後生，但我們今天的時光消秏就好似碌card一樣，齋用唔還就好快爆。
社會上的負能量已很多，自己如果唔多d去發掘一些正面信息，我會頂唔順！
我地做呢個工作除o左要做好一個髮型給客人外，相信同上面這文章所說一樣，給自己當日的努力、當日的誠諾一個交待。
討論區 
我的最愛: 0
